ასმათ დიასამიძე                      2015 წლის 13 დეკემბერი

რად გინდა გული, თუ სიყვარულით არ აინთება,
რად გინდა გული, თუ სიბრალულით არ დაიწვება,
რად გინდა გული, თუკი ძმის დარდით არ დაიღვენთა,
რად გინდა გული, თუკი „უგულოდ“ წარსდგები ღმერთთან!
რად გინდა გული, თუ მარტოობის დაღი აკლია,
რად გინდა ცრემლი, გულის სევდა თუ ზედ არ ატყვია,
რად გინდა გული, თუ მისი სითბო არ გამიყავი,
თუკი აღარ ვარ დღეს შენს თბილ გულში, კარგად იყავი!

მეცხრე დღედღეს ჩემთვის ძალიან წარმატებული დღეა. ტრენერისა და კოლეგების თანდასწრებით განვიხილე ჩემი პროექტი, მივიღე მათგან რეკომენდაციები, გავითვალისწინებ ტრენერის ყველა შენიშვნას. განსაკუთრებით მომეწონა აქტივობა: შავი და თეთრი ოპონენტები, რომლის საშუალებითაც ვისაუბრეთ ერთმანეთის პროექტების სუსტ და ძლიერ მხარეებზე, გამოვიყენეთ უკუკავშირის 3-2-1 ფორმა:დავსვით 3 კითხვა; გავაკეთეთ 2 კომენტარი და მივეცით 1 რჩევა. ასეთი თანამშრომლობითი მუშაობა, ვფიქრობ უფრო შედეგიანი და ბევრისმომცემია. მიხარია, რომ ყველა ჩემმა კოლეგამ კარგად გაართვა თავი პროექტით სწავლებაში საკუთარი როლისა და საქმიანობის გააზრებას. 
და ბოლოს..... და, აი დადგა ჩვენი ტრენინგის ბოლო დღეც. არ ვიქნები გულწრფელი თუ ვიტყვი, რომ არ მიხარია ტრენინგების დასრულება, რადგან  ძალიან რთულია სასკოლო , საოჯახო და სხვა სახის მუშაობასთან ერთად ტრენინგ-კურსების გავლა. მაგრამ გულდასაწყვეტია, რომ ტრენინგები აღარ იქნება და ტრენერს ვეღარ შევხვდებით. რომელმაც ნამდვილად ბევრი რამ გვასწავლა. ქალბატონი გვანცას უშუალო, თბილი და ამავდროულად მომთხოვნი და ზომიერად მკაცრი მიდგომა ნამდვილად დაგვეხმარა ჩვენი შესაძლებლობების სწორად რეალიზაციაში. სწორედ ტრენერის ნათლად ჩამოყალიბებული და გააზრებული შენიშვნები და რეკომენდაციები დამეხმარა იმაში, რომ ტრენინგების პარალელურად ორი კვირის განმავლობაში ვიმუშავე პროექტზე და 6 მარტს გავაკეთე პროექტის პრეზენტაციაც. თანამედროვე პედაგოგს ნამდვილად სჭირდება უწყვეტი პროფესიული ზრდა და ეს ტრენინგები სწორედ ამ ზრდის ხელშეწყობაა. ძალიან მომეწონა intel.Education -ის გამოყენებით სწავლება. მადლობა ჩვენს უკრაინელ პარტნიორებს იმ უამრავი მასალისა და რესუსრებისათვის, რომელიც მათ მოგვაწოდეს.გმადლობ!

ტრენინგის მერვე დღე 
დღეს შევძელი გამეგო თუ რას ნიშნავს  ტექნოლოგიებით ფასილიტაცია, რომელიც მოსწავლეებს დაეხმარება სწორად განსაზღვროს საკუთარი შემოქმედებითი და პრაქტიკული უნარ-ჩვევები, გაიაზრონ რისი გაკეთების უნარი შესწევთ, რა გამოუვათ წარმატებულად და რას უნდა შეეჭიდონ.
ასევე კარგად გავიგე სასწავლო პროცედურებისა და შეფასების შეჯამების შაბლონში გაწერა. ვისწავლე როგორ მივაბა ბლოგს ბმულები.
უფრო საინტერესო სამუშაო გველოდება ხვალ: თეთრი და შავი ოპონენტები: ვნახოთ ნროგორ გავართმევ თავს.

მეშვიდე დღე - ყველაზე ეფექტური დღე იყო მოსწავლეთა შეფასებისა და უკუკავშირის სწორად დაგეგმვისა და განხორციელებისათვის, გავეცანი შეფასების ჩეკლისტებსა და რუბრიკებს, როგორ შევუსაბამოთ თეორეტიკოსების მეთოდები მოსწავლეთა საჭიროებებსა და მიღწევებს. ყველაზე მნიშვნელოვანი ჩემთვის მოსწავლეთა მიერ ცოდნის მიღების პროცესზე დაკვირვების ანალიზი და შეფასებაა. მიხარია, რომ დღეს ამ საკითხთან დაკავშირებულ ჩემთვის საინტერესო ყველა კითხვაზე მივიღე ამომწურავი პასუხი. მთავარი ჩემთვის უკუკავშირის მიღებააა
 დღეს შრომატევადი დღე გვქონდა. ბევრი რამ მოვასწარით. ვისწავლე Pover Point-ში სლაიდების შექნმა და პრეზენტაციების გაკეთება. ასევე ვისწავლეთ სპეცეფექტების გამოყენება, აუდიო და ვიდეო ბმულების გამოყენება პრეზენტაციებში. 
ვეთანხმები იმ აზრს, რომ ინტერნეტი საუკეთესო სასწავლო რესურსია, მთავარია მოსწავლეებს მისი მიზნობრივად გამოყენება ვასწავლოთ.

მეექვსე დღე - ეს დღე საკმაოდ საინტერესო და, მე ვიტყოდი, სახალისო იყო. შევისწავლეთ PowerPoint-ში მუშაობა. უნდა ვთქვა, რომ საოფისე პროგრამების ეს სახეობა ჩემთვის უცხო არაა. უკვე რამდენიმე წელია მუშაობაში ვიყენებ PowerPoint-ს.  მაგრამ დღეს PowerPoint-ის გამოყენების ბევრი ახალი და უფრო მოქნილი მეთოდი ავითვისე. დიაგრამების  ჩასმა და მათში პროცენტული მონაცემების ასახვა, სურათების ჩასმა და სხვ. ყველაზე მნიშვნელოანი ჩემთის მაინც PowerPoint-ში პრეზენტაციის მომზადება, მისი თანამიმდევრობისა და გაფორმების შესწავლა იყო
ეს დღე ჩემთვის მნიშვნელოვანი იყო იმითაც, რომ ტრენერსა და კოლეგებს ვაჩვენე ჩემი პროექტის პრეზენტაციის მასალები, რომელიც ტრენინგის დასაწყისში დავგეგმე და ჩავატარე. გავითვალისწინებ ყველა იმ რეკომენდაციებს შეფასების რუბიკებში, რომელიც ტრენერისაგან მივიღე.
ტრენინგი ძალიან საჭირო და გამოსადეგია ყველა იმ პედაგოგისათვის, რომლის ნამდვილი მოწოდებააა ბავშვებთან მუშაობა

მეხუთე დღე - უნდა ვთქვა, რომ მართლაც რთულია სწორად წარმართო მოსწავლის უნარ-ჩვევები და მათი მიზანმიმართული გამოყენებით შეძლო მათი რეფლექსია. დღეს გავიგე როგორ გავწერო სასწავლო პროცედურები ეტაპობრივად  და კონკრეტულად.
გავეცანი როგორ დავაფიქსირო და დავიცვა საავტორო უფლებები, რათა თავიდან ავიშოროთ პლაგიატიზმი,  როგორ შევქმნა პროექტის ბიბლიოგრაფია,  გამოყენებული ლიტერატურის ნიმუშის მიხედვით შევძელი ლიტერატურის სწორად გამოყენება, განსაკუთრებით მომეწონა სწავლების ონლაინ სისტემები და ონლაინ ჯგუფები, რომლებიც, უნდა ვთქვა რომ ჩემთვის უცხო არ იყო და ვიყენებდ კიდეც ელექტრონული ფოსტით მიღებული მოსწავლეების დავალებების სახით. ურთიერთკავშირის ეს მეთოდი ძალიან მოგვწონს მე და ჩემს მოსწავლეებს.

მეოთხე დღე - საკმაოდ საინტერესო და მნიშვნელოვანი იყო. განვიხილეთ 21 საუკუნის ტექნოლოგიებითა და ეროვნულ სასწავლო გეგმის სტანდარტებისა და ინდიკატორების შესაბამისად დაგეგმილი პროექტები, რომელთა განხილვამაც თვალნათლივ მაჩვენა რამდენად მნიშვნელოვანია პროექტით სწავლება თანამედროვე სკოლაში.
ყველაზე მთავარი, რასაც დღეს გავეცანით, დროში გაწერილი შეფასების ხუთი მიზანია, რომელიც დაგვეხმარება პროექტის სწავლებისას მოსწავლეების საჭიროებების დადგენასა და ამ საჭიროებების მიხედვით აქტივობებისა და ინსტრუმენტების სწორად შერჩევაში.
მოსწავლის ყველა აქტივობის მონიტორინგი და სწორად შერჩეული შეფასების რუბრიკები სასურველ უკუკავშირს მოგვცემს. იმედია სწორად გავიგე შეფასების ყველა მიზნის მნიშვნელობა და შევძლებ მათ მიზანმიმართულად გამოყენებას.